SİMA İmza Azərbaycan Respublikasının "Elektron imza və elektron sənəd haqqında", "Biometrik informasiya haqqında" və "Azərbaycan Respublikasında elektron imza və elektron sənədlə bağlı bəzi normativ hüquqi aktların təsdiq edilməsi haqqında" Qanunlarına tam uyğundur.

Son istifadəçilərinin hüquqi şəxslər olduğu, üztanıma və açıq açar texnologiyasını özündə birləşdirən rəqəmsal imza.

Hüquqi şəxs imzasından istifadə etmək hüququ iki tip istifadəçiyə şamil olunur:

1.   Şirkətin qanuni təmsilçisinə

2.   Şirkətin qanuni təmsilçisinin səlahiyyət verdiyi əməkdaşlara

SİMA ilə hüquqi şəxs sertifikatının əldə edilməsi tamamilə ödənişsizdir. İstifadəçi yalnız sertifikatdan istifadə edə bilməsi üçün tarif seçimi edərək abunəlik haqqının ödənişini edir. Abunəlik üzrə 1 aylıq abunə haqqı 2.40 AZN (ƏDV daxil), 1 illik abunə haqqı 25 AZN (ƏDV daxil), 3 illik abunə haqqı isə 55 AZN (ƏDV daxil) təşkil edir.

İlkin mərhələdə SİMA İmza tətbiqində vətəndaş qismində qeydiyyatdan keçmək lazımdır. Daha sonra tətbiqdə “Sertifikat əlavə et” düyməsini seçib hüquqi şəxsin VÖEN məlumatlarını daxil etmək lazımdır. Növbəti mərhələdə, razılaşma sənədi pin-kod daxil edilib vətəndaş imzası ilə imzalanır. Son olaraq, hüquqi şəxs sertifikatına ad və pin-kod təyin etməklə 3 illik sertifikatı əldə etmiş olursunuz.

Əgər şirkətin qanuni təmsilçisi deyilsinizsə, əvvəlcə şirkətin qanuni təmsilçisi tərəfindən hüquqi şəxs kimi sertifikat alınmalı və daha sonra sizə müvafiq icazə təmin edilməlidir. 

-  SİMA İmza mobil tətbiqində hüquqi şəxs profilinizi açaraq “Əlavə et” düyməsini seçirsiniz.

-  İmzalanmalı olan PDF faylı əlavə edərək pin-kodunuzu daxil edirsiniz.

SİMA rəqəmsal imza tərəfdaş şirkət və qurumların sistemləri daxilində də istifadə oluna bilər.

Qeydiyyat zamanı əldə olunan rəqəmsal imza sertifikatının etibarlılıq müddəti 3 (üç) ildir.

Mövcud tarifi dəyişmək üçün menyudan tariflər alt menyusuna keçid edərək mövcud/seçilmiş tarif haqqında məlumat almaq, “Tarifi dəyiş” seçimi etməklə tarifi dəyişmək və ya şirkətin səlahiyyətli şəxsi tərəfindən SİMA Kabinetə daxil olub abunəliyin dəyişdirilməsi mümkündür.

Tarif dəyişikliyi edildikdə yeni abunəlik müddəti öncədən qalan abunəlik müddətinin üzərinə əlavə olunur.

Hüquqi şəxs imzasının iki halda istifadəsi limitlənə və deaktiv ola bilər.

1 Sizin abunəliyiniz mövcud deyilsə

2 Sizin hüquqi şəxs imzası almaq icazəniz qanuni təmsilçiniz tərəfindən ləğv edilmişdirsə

Sertifikatın müddəti 3 ildir və bu müddət bitdikdə menyunun profil bölməsindən “Sertifikatı yenilə” funksionallığından istifadə edərək prosesi təsdiqləməklə təkrar 3 illik sertifikat əldə edə bilərsiniz.

Abunəlik müddəti bitdikdə menyunun tariflər bölməsindən münasib tarif planını seçərək abunəliyi yeniləmək və ya şirkətin səlahiyyətli şəxsi tərəfindən SİMA Kabinetə daxil olub abunəliyin dəyişdirmək mümkündür.

SİMA İmza ilə imzalanmış PDF sənədin imza məlumatlarını yoxlamaq üçün sənədi “Adobe Reader” ilə açmaq, faylın yuxarı hissəsində yerləşən imza panelindəki “Signature Panel”ə keçid etmək lazımdır. Əməliyyatı SİMA İmza mobil tətbiqində “sənəd yoxla” hissəsinə keçib faylı əlavə etməklə də icra etmək mümkündür.

Promokod müəyyən dövrlər üçün istifadə olunan endirim və kampaniyalardan yararlanmaq üçün nəzərdə tutulub.

SİMA Kabinet - Şirkətin qanuni təmsilçisinin və ya onun səlahiyyət ötürdüyü əməkdaşın öz SİMA İmzası ilə şirkətin digər əməkdaşlarına hüquqi şəxs imzası almaq üçün icazə təmin etdiyi, həmin əməkdaşların abunəlik ödənişini etdiyi, portaldaxili səlahiyətlərini hər hansı bir əməkdaşa ötürə bildiyi portaldır.

SİMA Kabinet portalından istifadə etmək hüququ iki tip istifadəçiyə şamil olunur:

1.   Şirkətin qanuni təmsilçisinə

2.   Şirkətin qanuni təmsilçisinin portal üçün rol verdiyi əməkdaşlara

Etibarnamə modulu vasitəsilə portal istifadəçisi şirkətin istənilən əməkdaşına hüquqi şəxs olaraq imza almaq icazəsini təmin edə bilər. Portal istifadəçisi bu modul daxilində şirkətin bütün əməkdaşlarının siyahısını görə bilər. Qeyd edək ki, rol ötürülən əməkdaş özü başqa əməkdaşa rol ötürə bilmir, lakin sertifikat verə bilir. Rol ötürülmüş əməkdaşın sertifikatını ləğv etmək üçün isə əvvəlcə rolu ləğv olunmalıdır.

Rol ötürmə modulu vasitəsilə portal istifadəçisi şirkətin istənilən əməkdaşına portaldan istifadə üçün icazə təmin edə bilər. Bu icazə vasitəsilə rol ötrülmüş əməkdaş həm hüquqi şəxs olaraq SİMA İmza əldə edə, həm də bu imza ilə portala daxil ola bilər.

Şirkətin insan resursları sistemində işdən azad edilmiş əməkdaşın mövcud bütün icazələri, rolu və etibarnaməsi sistem tərəfindən ləğv edilir. İşçinin abunəlik sertifikatı üçün ödənilmiş vəsait geri qaytarılmır.

Tətbiq mobil cihazdan silindikdə həm vətəndaş, həm fərdi sahibkar həm də hüquqi şəxs sertifikatı silinir. Bu zaman tətbiqi yenidən yükləyib təkrar qeydiyyatdan keçmək lazımdır. Qeydiyyatı ilk öncə vətəndaş kimi tamamlayıb, VÖEN və digər məlumatları təqdim edib təkrar fərdi sahibkar və ya hüquqi şəxs sertifikatınızı əldə edə bilərsiniz. Tətbiqin silinməsinin abunəlik müddətinə heç bir təsiri yoxdur. Qeydiyyat tamamlandıqda, qalmış abunəlik müddəti təkrar əlavə edilir. Telefon itdikdə isə Çağrı Mərkəzi (157) ilə əlaqə saxlayıb sertifikatın ləğvi üçün müraciət etmək lazımdır.

Abunəlik modulu vasitəsilə portal istifadəçisi şirkətin işçilərinin abunəlik ödənişlərini edə bilər. Portal istifadəçisi bu modul daxilində hüquqi şəxs olaraq imza almaq icazəsi təmin etdiyi işçilərinin siyahısını görə bilər.